XD

見高登友咁鍾意玩野，我又玩下先：

我無時無刻都想你
但愛情是如此令人欲仙欲死
如果你真的害怕愛情而不敢開始
我想我直至死前也會等
萬一，你到我死也不能接受我
我只能說：永別了
但我不敢想像遠離你，我如何活下去

中心主旨在第n行第n個字XD



就快搬屋啦，應該係下個禮拜。唔駛咁開心，我唔係突然發達，買左豪宅。只係我個單位o既屋主個仔要結婚生仔，所以決定唔再出租，留番俾佢個仔住。好彩係搬去鄰座，如果唔係煩死。



Toucch wood，琴日講有女生跳樓死，今日睇報紙又見到一單。我真係好驚呀T.T

MAMMA MIA!

今天我媽租了MAMMA MIA!的影碟，本來我對這套電影無甚興趣，但既然跟ABBA有關，那一看又無妨。平心而論，這套電影的確值得一看再看：有劇情，有美景，有好歌，有笑點。來個簡單的介紹：

Sophie快將結婚，打算邀請其父。但由於她父親老早就一走了之，故Sophie只好從母親的日記中尋找提示，並邀請了三位「疑似」父親出席。最後發生了一連串趣事，且結婚的人由Sophie與她男友，變為Sophie母親跟苦等21年的其中一位「疑似」父親。

此電影有很多ABBA的金曲，我最愛的有："Money, Money, Money", "Mamma Mia", "Dancing Queen", "S.O.S.", "The Winner Takes It All"（勁正！）, "Our Last Summer"。

如果在家中無所事事，不想溫習，又不想玩樂，不妨租MAMMA MIA!跟親友一起觀看。

奇怪又難忘的聖誕

聖誕節，一般黎講應該會同朋友玩，但我同紅雨、Leo竟然選擇係呢日返學校溫書。結果好明顯，大家都無乜心情溫書，我和紅雨更加踢左陣足球。於是，我地就同河嬰相約到我屋企搗亂。起初我地打麻雀，但實在太悶，又玩Wii。Leo突然要求請我地食pizza，既然佢盛意拳拳，我地無理由推卻佢既盛情XD

玩玩下，幫友仔連我都玩埋。一個「幫」我約女仔（唉，Sorry），一個捉實我，一個袖手旁觀，好彩（咁都叫好彩）最後佢地都放過我一馬。七點到我要同家人食飯，所以就各自離去。食完之後，鑑於河嬰同紅雨不忍過個孤獨的聖誕夜，所以又叫我上去紅雨屋企繼續。由於Leo要打邊爐，爭一隻腳，迫於無奈下我地就約左神秘人出黎。

可能大家都有D尷尬，一開頭大家都好少講野，慢慢先開始熟絡。玩玩玩，打麻雀贏左兩蚊^.^

轉玩鋤D，輸得好慘=( 如果神秘人係玩鋤D差，河嬰係運氣差，我就係兩樣都好差-.-

最後，又玩左陣X棉胎，原本大家都期望玩死紅雨。但唔好意思，鬥反應慢無人及得上我=.=輸得仲慘過鋤D

十二點要走啦~~~



講真，我地四個真係一個好奇怪既組合XD四個人都唔係好熟，以後可能無機會再玩？可一不可再啊=)

P.S.由於口渴，我要不時斟水，但我琴日打Wii打到手震，斟水既時候隻手震過不停，令我聯想到禁毒廣告:P

P.P.S.玩玩下又有兩個同窗問CIT功課，我先發現原來交錯file。想改，又發現紅雨乜鬼office都無。結果只好偷偷地上傳返上次果份=.=不過其實今次要交果份同上次果份大致一樣，只係改左一D文法同大細楷，所以Miss Lai請原諒我OTL

維也納新年音樂會

唔，快到新一年了。去年也好像有提過維也納新年音樂會？忘記了。新年音樂會啊，真是個經典。每年1月1日，維也納聞名遐邇的「金色大廳」（維也納音樂協會金色大廳）例必舉行新年音樂會。


（金色大廳圖，維基百科）



試想想：

與女友一起在金色大廳欣賞首屈一指的管絃樂團——「維也納愛樂管絃樂團」的演出，曲目或許有輕快的「撥弦波爾卡」，可能有刺激的「雷鳴閃電波爾卡」等等。不過，最叫人興奮的當然是指定的壓軸曲目——旋律優美動人的圓舞曲「藍色多瑙河」，及指揮、樂團、觀眾一起演奏的「拉德斯基進行曲」！能偕同愛侶在歡樂中渡過一年的第一天，多教人羨慕！要是有女士能賞面，跟小弟欣賞一次新年音樂會，死而無憾矣~~~



想像，總比現實美好得多："維也納新年音樂會的門票永遠供不應求，希望現場感受音樂會的樂迷必須提前一年就訂票，還必須通過搖號才能確認。" 看來要欣賞維也納新年音樂會，不止要有$$$，還要有運氣。

還是獨自在家中聽CD罷。

聖誕節

說實的，每年一到聖誕節，我的心就會有一點點刺痛。

本來，聖誕節是慶祝耶穌的誕生，但現在人們卻甚少記得這個原因，反而只會在聖誕節購物，瘋狂玩樂。不，我不是認為玩樂不好，但我覺得忘卻了聖誕節的本義，甚至本末倒置，委實有點奇怪。要玩樂，其實很多節日都可以吧，何必一定要選聖誕？

其次，每當我看到人家一群群親戚朋友同歡樂、一雙雙戀人情侶共挽手，難免份外眼紅。唉，何解每年聖誕節都只能和爸媽度過？當然，我樂意跟父母享天倫之樂，但我更嚮往與朋友共聚。為甚麼總沒有人願意與我一起慶祝？

說到底，這篇不過是光棍的抱怨罷。